Përshëndetje! Ju lutem, a mund të më thoni se çfarë bari popullor mund të përdor për venat e zgjeruara?
Përgjigjet për gazetën “Shëndet+” dhe Shëndeti Online: Elida Mici, kirurge flebologe pranë Qendrës Shëndetësore të Specialiteteve nr.3, Tiranë
Venat varikoze janë zgjerime të qëndrueshme të venave sipërfaqësore të gjymtyrëve të poshtme, të shoqëruara nga dëmtimi valvulave dhe rikthimi i gjakut venoz.
Shkaku i vërtet i kësaj patologjie nuk dihet, por ekzistojnë një sërë faktorësh favorizues siç janë përdorimi i gjatë i barnave, trashëgimia, mbajtja e peshave të rënda, obeziteti, qëndrimet e gjata në këmbë, takat e larta, rripi i shtrënguar në mes etj.
Komplikacionet më të shpeshta janë: dhimbje, lodhje të këmbëve, mpirje, mizerime, këmbë të rënda, temperaturë lokale, kruarje mbi zonën e vakorizuar etj.
Variçet nuk hiqen me pomada në përbërjen e të cilave janë preparatet me korrigjime bimore (gështenja e egër, fletët e rrushit të kuq etj). Ato përmirësojnë klinikën e variçeve dhe qetësojnë dhimbjet, por nuk i zhdukin ato.
Variçet kërkojnë ndërhyrje dhe metodat për trajtimin e insufiçenës së venave të varikozuara janë: kirurgjia, skleroterapia, lazeri dhe radiofrekuenca.
