Çrregullimet e gjendrës tiroide janë më të shpeshta tek femrat. Në ndryshim nga burrat, ato vuajnë në një raport pesëdhjetë me një nga hipotiroidizmi. Ekspertët vlerësojnë si faktorë që mund të favorizojnë probleme autoimune përfshirë gjendrën tiroide, 
hormonet femërore, si estrogjeni etj. Megjithatë, aktualisht asnjë nuk mund të thotë pse femrat janë më të ndjeshme.
Gjendra tiroide është një gjendër e vogël e lokalizuar në qafë e cila prodhon hormone që rregullojnë përdorimin e energjisë. Hormonet e tiroides influencojnë performancën e organeve tuaja: sa shpejt ose ngadalë ato konsumojnë oksigjenin, prodhojnë proteinat dhe u përgjigjen hormoneve të tjera.
Nëse gjendrat tiroide nuk funksionojnë siç duhet, duke prodhuar më pak hormone se norma (hipotiroidizëm) ose më shumë hormone se norma (hipertiroidizëm) metabolizmi juaj do të ndjejë pasojat.
Personat me hipofunksion të gjendrës tiroide shpesh shtojnë në peshë pasi hormonet e tiroides janë të pamjaftueshme dhe si rrjedhojë metabolizimi i trupit ngadalësohet duke çuar në ruajtjen e kripës, ujit dhe yndyrës në organizëm. Veç shtimit në peshë dhe lodhjes, simptoma të tjera janë depresioni, kapsllëku, lëkura dhe floku i thatë, si dhe dhimbja e muskujve. Disa njerëz zhvillojnë një zmadhim të gjëndrës tiroide e cila çon në ënjtje të pjesës së përparme të qafës e njohur si strumë. / QSUT
