Ky është rasti i një vajze 16-vjeçare, e cila u diagnostikua me hepatit pasi kishte pirë 3 gota çaj jeshil në ditë, për 3 muaj, në 
përpjekje për të rënë në peshë. Megjithëse çaji jeshil njihet për vetitë e dobishme të tij, mjekët kanë paralajmëruar për rreziqet e fshehta të tij nëse konsumohet në mënyrë të tepruar. Kjo vajzë u diagnostikua me hepatit akut pas përdorimit të shumtë të këtij çaji.
16-vjeçarja u shpreh se fillimisht kishte marramendje, të vjella, dhimbje stomaku etj. Pas ekzaminimeve të para u dyshua për ndonjë infeksion të traktit urinar dhe për këtë filloi të kurohej me antibiotikë. Dy ditë më vonë simptomat e saj u përkeqësuan dhe dhimbjet u bënë edhe më të forta. Pas kësaj, ajo filloi të vuante nga verdhëza dhe lëkura filloi t’i zbehej e sytë t’i bëheshin më të verdhë.
Vajza kishte porositur çaj jeshil kinez në internet me dëshirën për t’u dobësuar. Pas ndërprerjes së çajit dhe kujdesit mjekësor, vajza u bë më mirë.
Përshtati në shqip për “Shëndet+”: Daniela Bardhi
