Kanceri i qafës së mitrës është kërcënim kryesor i shëndetit të grave. Çdo vit në vendin tonë diagnostikohen rreth 100 raste të reja të kancerit të qafës së mitrës. Më tepër se gjysma e tyre diagnostikohen në stade të avancuara, kur trajtimi është pak efektiv dhe shumë i shtrenjtë.
Kjo shifër është bërë e ditur nga Instituti i Shëndetit Publik.
Një nga shkaktarët kryesor të kancerit të qafës së mitrës është virusi i HPV-së (Human Papiloma Virus), që transmetohet nëpërmjet rrugëve seksuale. Kanceri i qafës së mitrës hyn në grupin e sëmundjeve të cilat mund të kurohen dhe mjekohen nëse trajtohet qysh në stadet e hershme.
Për ta parandaluar atë, duhet të kryeni pap testin në mënyrë të rregullt, të mbani vetëm një partner seksual dhe të përdorni metoda mbrojtëse të kontracepsionit, siç është p.sh. kondomi./ Blerta Koka, Shëndet+
