Përshtati në shqip për gazetën “Shëndet+”: Blertina Koka
Vinny Desautels është një djalosh 7-vjeçar nga Kalifornia, me një zemër të madhe, por që fatkeqësisht jeta po e përball me sfida të vështira. Për dy vite, Vinny i rriti flokët për t’ua dhuruar pacientëve me kancer. Edhe pse tallej nga shokët për këtë vendim që kishte marrë, ai ishte i bindur që ta kryente misionin e tij për të ndihmuar fëmijët që luftonin me kancer. Vinny i preu flokët kur mbushi 7 vjeç.
Gjashtë muaj më vonë, djaloshi me zemër të madhe u diagnostifikua me kancer. Kur po bëhej gati për t’u larë, prindërit e tij vërejtën një gungë të madhe në ijën e djathtë. Ata e çuan menjëherë në spital, ku mjekët identifikuan një rritje të pazakontë në kockat e tij të legenit dhe në anën e djathtë të kokës. Djaloshi ishte prekur nga kanceri, i cili kishte avancuar në fazën e katërt.
Mjekët nuk e kanë përcaktuar akoma llojin e kancerit që ka prekur 7-vjeçarin.
Burimi: Mashable / https://shendeti.com.al/
