Ju lutem, mund të më sugjeroni diçka për flokët shumë të thinjura?
Përgjigjet për gazetën “Shëndet+” mjekja dermatologe Blerta Gjoni
Nuk ka asnjë formulë për të zhdukur thinjat. Shikojmë receta të ndryshme (popullore) që rekomandohen, por personalisht nuk di që të kenë efektshmëri. Flokët thinjen kur folikulat e tyre prodhojnë më pak melaninë, pigmenti që i jep ngjyrën flokut. Zakonisht thinjat e para nisin të shfaqen pas të 30-ave, por disa femra/meshkuj mund të shohin flokët e parë të bardhë edhe në të 20-at.
Mosha e shfaqjes së thinjave të para është e lidhur fort me dy faktorë kryesorë: raca dhe gjenetika. Kështu që nëse prindërit tuaj janë thinjur herët, edhe ju do të keni të njëjtin fat.
