Mjekët e spitalit të qyteit të Shkodrës kanë dalë edhe sot për të protestuar kundër vendimit për arrestimin e kolegut të tyre, kardiologut Edi Smalaj.
Me pankarta “Jo pranga” në duar afro 80 mjekë e infermierë dolën në protestë në ditën e dytë në spitalin rajonal.
Bluzat e bardha e kanë cilësuar vendimin e Prokurorisë ekstrem dhe privim i lirisë me pa të drejtë.
Mjekët kërkuan lirimin e mjekut Edi Smalaj, në të kundërt paralajmërojnë bojkotim të punës.
Shefi i Kardiologjisë është arrestuar mesditën e të mërkurës pasi dyshohet se ka falsifikuar dokumentet shëndetësore të pedagogut Simon Lufi, i arrestuar po ashtu për korrupsion pasiv.
Sipas policisë, mjeku Edi Smajlaj firmosi shtrimin në spital të pedagogut me pretendimin se ka probleme shëndetësore, me qëllim që të mos dërgohej në qelinë e paraburgimit./ https://shendeti.com.al/
