Nuk ka gjë më freskuese se një pije e ftohtë e përgatitur me përbërës të shijshëm dhe të shëndetshëm njëkohësisht. Provoni këtë pije detoksikuese me limon dhe xhenxhefil për t’u rifreskuar në këto ditë të nxehta dhe për të djegur njëkohësisht kaloritë. Dy përbërësit e saj kryesorë përbëjnë një detoksikues perfekt që do t’ju ndihmojë të ndiheni po aq të lehtë sa vetë pija.
Pija detoksikuese me limon dhe xhenxhefil
Përbërësit:
- 1 gotë ujë, në temperaturën e ambientit
- Lëngun e gjysmës së limonit
- 1 cm rrënjë xhenxhefili
Përgatitja
Shtoni lëngun e limonit tek një gotë ujë. Copëtoni xhenxhefilin duke përdorur një grirëse dhe shtojeni tek gota e ujit. Kjo pije është perfekte për të nisur ditën! Shumë dietologë e rekomandojnë xhenxhefilin si një produkt i mirë për rënien në peshë duke qenë se ndihmon për të hequr lëngjet e tepërta nga trupi.
Ndërsa limoni ndihmon në funksionimin e veshkave, largimin e toksinave nga trupi dhe lehtëson tretjen./ Shendeti.com.al
