Përshtati në shqip: Blertina Koka
I gjithë stafi i një spitali në Nairobi, Kenia (duke filluar nga CEO deri tek infermieret) është shkarkuar nga puna pasi operuan në kokë pacientin e gabuar.
Një pacient duhet t’i nënshtrohej një ndërhyrje kirurgjikale në kokë për mpiksje të gjakut në tru, ndërsa tjetri kishte nevojë vetëm për një trajtim jo-invaziv për ënjtje.
Një gabim në identifikimin e pacientëve, bëri që mjekët të operojnë pacientin e gabuar për një sëmundje që nuk e kishte. Pas disa orësh në operacion dhe kërkim për mpiksje të gjakut, kuptuan që nuk kishte askund mpiksje gjaku.
Fatmirësisht pacienti i operuar gabimisht është tani në gjendje të mirë shëndetësore, megjithatë është nisur një hetim për të gjithë stafin e spitalit. Pritet të mbahet një seancë dëgjimore për këtë rast, ndërkohë që përdoruesit e mediave sociale kanë shprehur indinjatën se si mund të lejohet të ndodh një incident i tillë.
Incidenti ka ndodhur vetëm 6 javë pasi ministri i Shëndetësisë urdhëroi që të nisej një hetim brenda këtij spitali pasi nënat e reja kishin denoncuar se janë abuzuar seksualisht.
Burimi: BBC / Shendeti.com.al
