Përshtati në shqip: Blertina Koka
Çfarë do të bënit nëse ju dhe kolegët tuaj përfitoni rritje rroge? Nëse jeni një grup mjekësh nga Kanadaja, do të protestonit për JO.
Disa specialistë mjekësor në Quebec të Kanadasë kanë nënshkruar një peticion ku refuzojnë rritjen e pagave me qindra miliona dollarë pas një negocimi me qeverinë.
Në vend të kësaj, ata thonë që paratë duhet të ndahen, për të paguar më shumë infermierët dhe profesionistët e tjerë të kujdesit shëndetësor, si dhe për t’u kujdesur më shumë për pacientët.
“Kjo rritje është e patolerueshme duke qenë se të gjithë infermierët, nëpunësit dhe profesionistët e tjerë përballen me shumë vështirësi në vendin e punës, ndërkohë që shumë pacientë kanë mungesa në shërbimet kërkuara pas shkurtimeve drastike në vitet e fundit”, shkruhet në peticionin e grupit Médecins Québécois pour la Régime Public.
“Këtyre shkurtimeve i kanë shpëtuar si duket vetëm pagat tona”.
Deri tani, më shumë se 700 mjekë, specialistë, qytetarë dhe studentë të mjekësisë e kanë nënshkruar këtë peticion, që ka nisur në 25 shkurt.
Marrëveshja e arritur me qeverinë do t’u siguronte 10 mijë mjekëve në Quebec një rritje page me 1.4%, ku të ardhurat e tyre do të shkonin nga 4.7 miliardë dollarë në 5.4 milionë dollarë.
Një mjek në Kanada paguhet përafërsisht 260 mijë dollarë nga Ministria e Shëndetësisë.
Burimi: CNN / Shendeti.com.al
