Blertina Koka
Një gjinekolog ka zbuluar çfarë tregon për shëndetin ngjyra e urinës. Sipas një gjinekologu nga Londra, dr. Luke Powles, nga Klinika Shëndetësore Bupa, ngjyra e urinës tregon për nivelet e hidratimit të njerëzve, ku ngjyra e errët paralajmëron se duhet të pini patjetër ujë.
Ndërsa e kuqja dhe hijet gri mund të jenë shenjë e një problemi të rëndë shëndetësor. Njerëzit duhet të konsumojnë 1.5 deri në 2 litra ujë në ditë, dhe duhet të shmangin pijet që shkaktojnë dehidratim, si pijet e gazuara dhe alkooli.
Më poshtë, gjeni çfarë tregojnë ngjyra të ndryshme të urinës për mirëqenien e njerëzve.
E verdhë e zbehtë
Është ngjyra ideale e urinës që tregon se personi është mjaftueshëm i hidratuar. Një ngjyrë më e zbehtë se aq tregon se personi ka konsumuar më shumë ujë seç duhet. Kjo nuk është e dëmshme, megjithatë bën që të urinoni më shpesh.
E verdhë e errët
Urina në ngjyrë si mjaltë sugjeron se personi është i dehidratuar dhe duhet të konsumojë ujë sa më shpejtë të jetë e mundur.
Jeshile
Edhe pse mund të jetë alarmuese, urina në ngjyrë jeshile është zakonisht e padëmshme dhe shfaqet si pasojë e konsumimit të ushqimeve të caktuara, si shparg apo ushqime të ngjyrosura me pigmente artificiale.
Ndërsa, në raste të rralla, urina në ngjyrë jeshile mund të jetë shenjë e një sëmundje të rrallë gjenetike të quajtur hiperkalcemia, që shkakton rritje jonormale të niveleve të kalciumit në gjak.
Urina në ngjyrë jeshile mund të jetë edhe efekt anësor i ilaçeve të caktuara.
E kuqe
Urina në ngjyrë të kuqe shfaqet gjithashtu për shkak të konsumimit të ushqimeve të caktuara, si panxhari. Mund të jetë edhe si pasojë e gjakut, gjatë ciklit menstrual, ose, në raste më të rralla, si pasojë e infeksioneve ose edhe kancerit. Nëse nuk lidhet me asnjë nga arsyet e sipërpërmendura (si ushqimi apo cikli menstrual), duhet të konsultoheni me gjinekologun sa më shpejt të jetë e mundur.
Burimi: Daily Mail / Shendeti.com.al
