Nëse jeni duke u ballafaquar me dhimbje të veshit nuk jeni të vetmit. Dhimbja e veshit është një nga arsyet e zakonshme që ne shkojmë tek mjeku çdo vit, dhe mund të jetë simptomë e një infeksioni ose e një sëmundje ekzistuese.
Në shumicën e rasteve, dhimbja e veshit nuk është e rrezikshme. Rrallë është shenjë e një sëmundjeje të rëndë, trajtimi varet nga shkaku, por jo mund të aplikoni disa metoda shtëpiake.
Ja si mund ta qetësoni dhimbjen e veshit në kushte shtëpiake
-Ngrini kokën lart. Kjo ndihmon në lehtësimin e presionit brenda veshit tuaj.
-Përdorni pika veshi pa recetë. Pyesni ekspertin shëndetësor se cili lloj është më i miri për situatën tuaj. Mos përdorni pika veshi nëse keni këputje të daulles së veshit.
Komplikimet
Dhimbja e veshit nuk është gjithmonë një shenjë e diçkaje serioze. Por nëse zgjat më shumë se tre ditë, duhet të shkoni tek vizitë te mjeku.
Nëse keni infeksion, ai mund të përhapet në strukturat e afërta si tek nofulla ose kafka e juaj.
Nëse nuk trajtohen, infeksionet e veshit mund të çojnë në komplikimet serioze mastoiditi ose meningjiti.
Kur duhet të shkoj te mjeku?
Është gjithmonë më mirë të kërkoni kujdesin e një ORL për çështjet që lidhen me veshin, pasi ata kanë ekspertizën më të madhe në vlerësimin e shkaqeve të dhimbjes së veshit dhe menaxhimin e problematikave.
Nëse keni një temperaturë të lartë, qelb ose lëng që rrjedh nga veshi, humbje dëgjimi ose përkeqësim të simptomave, duhet të kërkoni kujdes mjekësor sa më shpejt të jetë e mundur.
Asnjëherë mos vendosni kunja pambuku ose objekte të tjera në kanalin tuaj të veshit, pasi këto mund të shkaktojnë dëme dhe mund ta shtyjnë lëngun e infektuar më larg në vesh. Nëse veshët tuaj ndihen të lagur, një tharëse flokësh e vendosur në një mjedis të ftohtë është një opsion i mirë për tharjen e veshit.
Nëse ju ose fëmija juaj keni infeksione të shpeshta të veshit ose dhimbje kronike të veshit, zakonisht katër brenda një viti, pyesni mjekun tuaj nëse tubat e veshit mund të jenë një alternativë e mirë.
