Përshtati në shqip për “Shendeti.com.al“: Blertina Koka
Një foshnje nga Teksasi ka ndërruar jetë pas ndërlikimeve të gjendjes shëndetësore të shkaktuar nga virusi Zika. Zyrtarët e shëndetësisë bëjnë të ditur se është rasti i parë që një foshnje ndërron jetë nga problemet e shkaktuara nga kjo sëmundje.
Foshnja ishte infektuar në mitër, pasi nëna e saj kishte udhëtuar në një zonë të Amerikës Latine të infektuar me këtë virus.
Sipas dr. Umair Shah, drejtor ekzekutiv i Shëndetit Publik Harris County, foshnja ka ndërruar vetëm pak javë pas lindjes, pasi kishte mikrocefali të lidhur me këtë virus.
Virusi Zika shkakton defekte të rënda tek truri i fetusit nëse një grua infektohet gjatë shtatzënisë.
Rasti i parë i vdekjes nga virusi Zika ishte një burrë i moshar nga Utah, SHBA, i cili ndërroi jetë në muajin qershor. Ai vuante edhe nga sëmundje të tjera.
Ekspertët janë të shqetësuar se virusi po përhapet shumë shpejt, dhe mund të ketë pasoja shumë të rënda.
Burimi: Independent / https://shendeti.com.al/
