Përshtati në shqip për “Shëndet+”: Daniela Bardhi
Është shumë e rëndësishme që të vini re dhe të merrni në konsideratë çdo simptomë apo shenjë të re që ju shfaqet papritur në trup. Zakonisht mungesa e vitaminave dhe mineraleve në trup reflektohet me shfaqjen e një sërë simptomash, që përgjithësisht njerëzit priren t’i injorojnë. Ja disa prej tyre:
Çarja e buzëve – Shkaqet më të zakonshme janë:
- Mungesa e vitaminave të grupit B
- Sëmundjet e stomakut, përfshirë këtu rritjen e sekretimit të acidit të stomakut, i cili gërryen mukozën e buzëve.
- Mungesa e dhëmbëve të fundit
- Anemi, mungesë hekuri
- Ndodh edhe tek diabetikët për shkak se kanë një sistem të dobët imunitar
- Kushtet e këqija të higjenës orale
- Reaksion alergjik ndaj produkteve të ndryshme që aplikoni në buzë.
- Puçrra të kuqe në fytyrë dhe/ose rënie drastike e flokëve
- Pamjaftueshmëri biotine
- Stresi ose sëmundje nervore
- Problemet e tiroideve
- Marrja e pilulave të ndryshme hormonale me bazë kontraceptive
- Mund të shkaktohen si shkak i përdorimit të ilaçeve për kurimin e hipertensionit, sëmundjeve të zemrës, depresionit etj
- Infeksionet fungale të lëkurës.
- Gunga të kuqe ose të bardha në trup ose fytyrë (jo puçrra)
Nëse vëreni gunga në fytyrë, krahë apo pjesë të tjera të trupit, që me kalimin e kohës mund të bëhen edhe të dhimbshme, kjo mund të tregojë se keni çekuilibër hormonal ose një nga problemet e mëposhtme:
- Mungesë të acideve esenciale yndyrore dhe vitamine A dhe D
- Probleme hormonale
- Mpirje të këmbëve, duarve dhe/apo pjesëve të tjera të trupit
Ndjenja e mpirjeve të përkohshme dhe ndjesi shpimi gjilpërash në duar apo këmbë, janë zakonisht shenjë e mungesës së acidit folik dhe vitaminave B9, B6, B12. Ato janë të lidhura direct me sistemin nervor periferik dhe mungesa e tyre shkakton ndërhyrje. Ky çrregullim shoqërohet me ankth, depression, anemi dhe lodhje. / Burimi: helathyfoodteam
