Përshtati në shqip për Shendeti Online dhe Gazeta Shëndet+: Blertina Koka
Kërkime të shumta shkencore kanë treguar se ekziston një lidhje mes niveleve të ulëta të vitaminës D dhe rrezikut të lartë për zhvillimin e demencës.
Së fundmi, një studim afatgjatë nga revista “Neurology” i forcon këto lidhje mes “vitaminës së diellit” dhe një nga sëmundjet më të zakonshme të trurit, që lidhet me moshën.
Studiuesit matën nivelet e vitaminës D tek gati 1700 të rritur dhe monitoruan shëndetin e tyre për më shumë se 5 vjet.
Personat me nivele të ulëta të vitaminës D ishin 53% më të rrezikuar që të prekeshin nga demenca se njerëzit me nivele normale, zbuluan autorët e studimit.
Njerëzit që kishin mungesë të kësaj vitamine ishin gjithashtu 70% më të rrezikuar të vuanin nga sëmundje e alcajmerit, një nga format më të zakonshme të demencës.
Studime të tjera e kanë lidhur mungesën e vitaminës D me rritjen e rrezikut për zhvillimin e kancerit dhe depresionit.
Ndërsa një studim i fundit ka treguar se nivelet e larta të kësaj lënde ushqyese rrisin shanset që një grua t’i mbijetojë kancerit të gjirit (lexo këtu).
Burimi kryesor i vitaminës D është padyshim dielli. Në mungesë të tij gjatë dimrit, vitaminën D mund ta merrni edhe me anë të ushqimeve (ja ku mund ta gjeni).
Burimi: Prevention / https://shendeti.com.al/
