E kujt i plasi për personat me aftësi të kufizuar?!

Ngritja e zërit për personat me aftësi të kufizuar ka bërë që në poliklinika të krijohet edhe një “rrugicë” ku ata mund të kalojnë për të përfituar shërbimin Personat me aftesi te kufizuar 3shëndetësor.

Por pavarësisht kësaj lehtësie, ka të tjerë që mendojnë se është e drejta e tyre që ta bllokojnë totalisht këtë rrugicë, duke mos i lejuar këta individë që të futen brenda në poliklinikë.

Personat me aftesi te kufizuar 1Fotot e bëra nga gazetarët e “Shëndet+” tregojnë se në Poliklinikën nr.3 të Specialiteteve, “dikush” ka vendosur makinën e tij pikërisht në vendin ku duhet të kalojnë personat me aftësi të kufizuar për t’u futur në poliklinikë dhe për të marrë shërbimet. Një person me karrocë vjen rrotull në oborrin e poliklinikës, ndërkohë që ka radhën për tek mjeku. Për të, sigurisht është e pamundur që të hyjë brenda.

Pyetjes pranë zyrës së informacionit se e kujt është makina e lënë brenda oborrit të poliklinikës, që pengon rrugicën e personave me aftësi të kufizuar, i vjen vetëm përgjigjja “Nuk e dimë!” Ndërkohë pacienti duhet të rrijë dhe të presë.

Por nuk është i vetmi ky rast. Mamografia Lëvizëse, e cila qëndron në oborrin e poliklinikës deri në mesditë, gjithashtu e mban rrugicën të bllokuar. Si për të thënë “E kujt i plasi?!”

Personat me aftesi te kufizuarFundja, mjafton që për figurë të mirë një nga zv.ministrat e kabinetit qeveritar është person me aftësi të kufizuar, pastaj pjesa tjetër le të rrijë të presë derisa dikujt t’i teket të heqë makinën nga vendi i krijuar pikërisht për persona të tillë, ndoshta ta heqë atëherë kur mjekët e kanë lënë orarin e punës!

 

Postime të ngjashme

EMRI/ Ndalohet drejtori i Spitalit të Fierit, zbardhen detajet e para
Shqipëria vijon të shuhet, lindjet ranë me 10.5% në T3, shtesë pozitive vetëm Tirana e Durrësi
Shtatë fëmijë të Kopshtit nr. 10 në Vlorë përfundojnë në spital, dyshohet për helmim nga ushqimi
Produktet e pasigurta në treg, alarmi vjen nga Belgjika; kontrollet në Shqipëri ranë me 33% në 2025
Buxheti 2027/ Spahiu: 117.8 miliardë lekë për shëndetësinë dhe mirëqenien sociale
Përtej vitaminës D: Si ndikon drita e diellit në metabolizëm dhe sheqerin në gjak
Pudinga me copëza xhami në treg, AKU: Mos e konsumoni
Medikamentet GLP-1 RA: Çfarë duhet të presin personat me obezitet nga trajtimi me këto barna?