Ankesa: Punonjësit e QSUT-së janë arrogantë

paciente QSUTKeqfunksionimi i sistemit shëndetësor është një fakt për të cilin shprehet çdo shqiptar që i është dashur të shkelë në spitalet e vendit. Por me sa duket pacientët apo dhe vetë familjarët e tyre, përveç mangësive që të ofron ky sistem, duhet të përballen edhe me arrogancën e stafit mjekësor. Denoncimi i radhës i përket zonjës me iniciale Z. K. e cila ndodhej në ambjentet e urgjencës së QSUT-së pasi kishte shtruar bashkëshortin e saj. Ky i fundit kishte hipertension, temperaturë të lartë dhe diabet. E moshuara shprehet për gazetën “Shëndet+” se stafi mjekësor nuk po tregon përkujdesjen e duhur për burrin e saj dhe sa herë ajo i pyet për shëndetin e tij, ata i përgjigjen me arrogancë.

“Ti e shikove me sytë e tu se si m’u përgjigj ai djali i ri (infermieri) kur e pyeta për burrin tim. Ai më tha më lër rehat se jam i lodhur. E gjithë këtë e bëjnë për arsye se nuk u jap lek, sepse nuk kam. Ku t’i gjej unë lekët?”

Pavarësisht se drejtoresha e QSUT-së, Ogerta Manastirliu, ka vendosur punonjës socialë për të vëzhguar sjelljen e bluzave të bardha ndaj pacientëve, rezultojne thjesht shpenzime të buxhetit të vogël të kësaj drejtorie, pasi siç shihet, asgjë nuk është përmirësuar. / Esido Barkaj

Postime të ngjashme

EMRI/ Ndalohet drejtori i Spitalit të Fierit, zbardhen detajet e para
Shqipëria vijon të shuhet, lindjet ranë me 10.5% në T3, shtesë pozitive vetëm Tirana e Durrësi
Shtatë fëmijë të Kopshtit nr. 10 në Vlorë përfundojnë në spital, dyshohet për helmim nga ushqimi
Produktet e pasigurta në treg, alarmi vjen nga Belgjika; kontrollet në Shqipëri ranë me 33% në 2025
Buxheti 2027/ Spahiu: 117.8 miliardë lekë për shëndetësinë dhe mirëqenien sociale
Përtej vitaminës D: Si ndikon drita e diellit në metabolizëm dhe sheqerin në gjak
Pudinga me copëza xhami në treg, AKU: Mos e konsumoni
Medikamentet GLP-1 RA: Çfarë duhet të presin personat me obezitet nga trajtimi me këto barna?