Ngrënia e një grushti arra me mëngjes rrit funksionin e trurit gjatë gjithë ditës.
Të rinjtë që hëngrën një grusht arra me mëngjes panë një përmirësim afatgjatë në kohën e reagimit të tyre dhe një rritje të performancës së kujtesës disa orë më vonë, sipas një studimi të ri. Gjetjet forcojnë pretendimin se arrat janë një ushqim që përmirëson trurin.
Një studim i ri i udhëhequr nga studiues në University of Reading in the UK, zbuloi se ngrënia e një mëngjesi të pasur me arra kishte një efekt pozitiv në performancën e trurit që zgjati gjatë gjithë ditës.
“Ky studim ndihmon në forcimin e rastit për arrat si ushqim për trurin,” tha Claire Williams, një profesore e neuroshkencës, autorja e studimit.
“Një grusht arra me mëngjes do u jepte të rinjve një avantazh mendor kur duhet të performojnë mirë. Është veçanërisht emocionuese që një shtesë kaq e thjeshtë diete mund të bëjë një ndryshim të matshëm në performancën njohëse.”
Ky është studimi i parë që shqyrton efektet e menjëhershme të arrave në funksionin e trurit tek të rinjtë dhe nevojiten më shumë kërkime për të kuptuar më mirë se si arrat prodhojnë këto efekte të dobishme në tru./newatlas.com
