Dy këlyshë dhe 10 të moshuar. Këta janë protagonistët e një kërkimi të kryer në Qendrën e Alcajmejrit në Firence (Itali) dhe e publikuar në revistën shkencore “International Psychogeriatrics”.
Studimi mori për bazë dy këlyshë dhe 10 të moshuar mbi 60 vjeç, që vuanin nga gjendje të rënda mendore dhe studimi u krye në dy faza. Fillimisht pacientët iu nënshtruan për tre javë një aktiviteti të ndihmuar nga pellushë. Më pas pellushit u zëvendësuan me dy këlyshë, sërish për një periudhë 3-javore.
Rezultatet
Ajo që nuk ndodhi në fazën e parë, u verifikua në të dytin. Kontakti me dy këlyshët uli treguesit e ankthit dhe trishtimit, ndërsa shtoi në mënyrë të dukshme kënaqësinë dhe interesin, ndjenja që në këta të sëmurë janë thelbësore për cilësinë e jetës.
Përgjatë seancave të sëmurët dolën edhe nga palëvizshmëria me një rizgjim domethënës të aktivitetit motorik.
Por ajo që i dha vlerë të veçantë studimit ishte fakti që ndjenjat e mira dhe sjellja u vunë re edhe disa orë pasi të moshuarit kishin qëndruar me këlyshët. Sipas studiuesve, “terapia me kafshët është shumë e efektshme për të përmirësuar ndjenjat dhe për të shtuar aktivitetin fizik tek njerëzit”.
