Denisa Canameti, gazeta Shëndet+ dhe Shëndeti Online
George Michael (Xhorxh Majkëll), legjenda e muzikës botërore, ka ndërruar jetë sot, në moshën 53-vjeçare. Paraprakisht, policia thotë se vdekja e Michael ka ardhur për shkaqe natyrale. Ndërkohë, mediat e huaja shkruajnë se “zemra e la në baltë këngëtarin në moshë të re”.
Vdekjen e këngëtarit e ka bërë me dije për mediat menaxheri i tij.
“Me trishtim të madh ju njoftojmë ndarjen nga jeta të birit tonë të dashur, vëllait dhe mikut tonë George, i cili u nda nga jeta në shtëpinë e tij në këtë periudhë Krishtlindjesh. Familja e tij kërkon privatësi në këto momente të vështira, prandaj ju lutem respektojeni këtë vendim”, përfundon deklarata e menaxherit.
Në vitin 2011, Michael ka shtyrë disa koncerte pasi është trajtuar nga pneumonia, dhe për këtë dha edhe një konferencë për mediat.
