Manjola Hasa
Pikëpyetja më e madhe për një mjek është t’i thotë apo jo pacientit se vdekja është e pashmangshme.
Në fakt, kjo çështje nuk është pikëpyetje vetëm në kokën e mjekëve, por njëherazi është një debat i gjërë që nuk ka kaluar pa zëra pro dhe kundër në Komisionin parlamentar të Shëndetësisë.
Në përfundim, ligji i ri zhduk pikëpyetjet dhe i obligon mjekët t’i thonë pacientëve se deri këtu ishte rruga e tyre e jetës. Ligji i ri për shërbimin paliativ për këtë pjesë bazohet edhe në Kartën e Pacientit, e cila thotë se “çdo pacient ka të drejtën për akses ndaj çdo lloj informacioni lidhur me gjendjen e tij shëndetësore, për shërbimet shëndetësore dhe mënyrën e përdorimit te tyre. Një pacient ka të drejtën për t’u njohur me dosjen e tij klinike dhe kartelën mjekësore, t’i fotokopjoje ato, të bëjë pyetje mbi përmbajtjen e tyre.”
Por deputetët mjekë kanë diskutuar edhe një temë të nxehtë në mbarë botën, atë të eutonazistë, për ‘ti dhënë fund me vullnetin personal, jetës.
