Nga dr. Joseph Mercola
Ndotja nga metalet e rënda, njësoj si ndotja nga kimikatet, është sot një shqetësim i madh për shëndetin. Jemi të sulmuar nga kimikate dhe metale të rënda përditë, shpesh nga burime të zakonshme, si enët e kuzhinës apo lodrat e fëmijëve. Kemi arritur në atë pikë sa foshnjat lindin të mbushura me kimikate. Një studim i 2004-s nga Grupi Mjedisor ka gjetur se në gjakun e foshnjave të porsalindura ka mesatarisht 287 kimikate toksike, përfshirë mërkurin, substancat zjarrshuajtëse, pesticidet dhe 
teflonin. Megjithatë, industria lufton me çdo kusht kufizimin e kimikateve.
Nga ta kuptojmë se vuajmë nga toksiciteti i metaleve?
Helmimi akut nga metalet dallohet lehtë. Ai ka simptoma si:
- Tendosje e fortë, e papritur muskujsh dhe/ose konvulsione,
- Nauzea
- Të vjella
- Djersitje
- Dhimbje koke
- Vështirësi frymëmarrjeje
- Probleme konjitive, mobiliteti dhe të foluri
Kurse simptomat nga ekspozimi kronik ndaj metaleve të rënda, janë më të zakonshme, si:
- Lodhje
- Probleme me tretjen, sidomos të yndyrave
- Dhimbje kyçesh
- Depresion
- Probleme me nivelin e sheqerit në gjak
- Probleme me riprodhimin tek femrat (infertilitet, dështime, hypertension gjatë barrës, lindje e parakohshme etj.)
Njihni ndokënd me këto simptoma?
Dieta mund t’ju ndihmojë shumë në detoksifikimin e metaleve të rënda nga trupi.
Një dietë me ushqime natyrale, të paprocesuara, organike etj. ndihmon trupin që të përballojë dëmin e shkaktuar nga metalet e rënda. Nëse kemi mungesë në metalet e mira, metalet e rënda do t’i zëvendësojnë këto dhe do të shkaktojnë probleme. Sipas doktorëve, kalciumi në kocka zëvendësohet nga plumbi (që gjendet në smog). Plumbi në kocka shkakton osteoporozë e osteopeni. Zinku në trup zëvendësohet nga kadmiumi, i cili depozitohet në veshka e shkakton neuropati periferike. Magneziumi zëvendësohet nga alumini, i cili është faktor në sëmundjen e alcajmerit. Manganezi (metal i dobishëm për trupin) zëvendësohet nga nikeli (gjendet në smog), i cili është kancerogjen.
Si ta pakësojmë ekspozimin tonë ndaj metaleve të rënda?
Duket si një luftë e humbur, por mund të pakësojmë ndjeshëm ekspozimin tonë ndaj metaleve të rënda, nëse marrim masat si më poshtë:
- Shmangni ekspozimin ndaj smogut
- Përdorni enë kuzhine prej qelqi, çelik karboni, enameli, hekuri të derdhur. Enët e aluminit dhe të teflonit nuk rekomandohen.
- Shmangni artikujt kozmetikë me përmbajtje alumini, anti-djersat me alumin (është treguar se anti-djersat me alumin e 3-fishojnë rrezikun e alcajmerit!)
- Shmangni vaksinat me mërkur dhe alumin që i injektojnë këto direkte në gjak.
- Shmangni mbushjet e dhëmballës prej amalgame (kanë mërkur)..
- Shmangni duhanpirjen, sepse ekspozoheni ndaj kadmiumit.
- Shmangni përdorimin e kimikateve dizinfektante në shtëpi.
- Shmangni përdorimin e insekticideve dhe herbicideve në shtëpi etj.
