Me pankarta nëpër duar, protestuesit e shoqërisë civile janë mbledhur mëngjesin e sotëm para selisë së qeverisë, ku kanë kërkuar që të mos miratohet ligji që lejon importimin e plehrave.
Aktivistët i kanë bërë thirrje kryeministrit Edi Rama të mbajë premtimin e dhënë në vitin 2013 dhe të mos sjellë plehra në vendin tonë.
Të gjithë në kor ata kanë thirrur “Stop importit të plehrave, o plehra”, ndërkohë që në shenjë simbolike kanë mbajtur kartonë të kuq në duar.
“Qytetarët shqiptarë duhet të zgjohen dhe kjo protestë këtë qëllim ka”, shprehen aktivistët.
