Ambasadori gjerman dhe ministri Klosi “sfidojnë” njëri-tjetrin në hark

Ministri Klodi dhe ambasadori gjerman

Elona Tereziu, gazeta “Shëndet+”

Ambasadori gjerman Hellmut Hoffmann dhe Ministri i Rinisë dhe Mirëqënies Sociale Blendi Klosi ishin sot pjesë e aktivitetit të organizuar nga shoqata “Together for Life”, në kuadër të fushatës “He for She”. Në Ditën Botërore të Sporteve, dy politikanët vendosën të provonin veten në gjuajtjen me hark, pjesë e këtij aktiviteti.

Fati siç duket nuk ishte në anën e ministrit Klosi, të cilit iu desh ta provonte tre herë, që në fund të godiste shenjën. Duke parë këmbënguljen e ministrit, si dhe mobilizimin e tij duke hequr edhe xhaketën, mund të themi se ai i beson fort shprehjes  ”E treta, e vërteta“.

Nuk mund të themi të njëjtën gjë për Ambasadorin Gjerman. Ai goditi në shenjë që në herën e parë, duke treguar kështu karaterin e fortë luftarak prej gjermani.

Megjithatë, duhet thënë se “përballja” ishte shumë miqësore. Duke dhënë një mesazh të qartë të tolerancës dhe solidaritetit midis politikanëve dhe pse jo, midis shteteve.

Postime të ngjashme

Malaria në Shqipëri, ISHP konfirmon: Raste sporadike të importuara dhe pa evidencë të transmetimit në vend
Konfirmohet rasti i parë me malarie në Shqipëri
Trafik droge dhe nën hetim për kontrabandë ilaçesh, Prokuroria sekuestron pasuritë e Ilir Shehut, mes tyre edhe 4 kompani farmaceutike
Shqipëria në planin e OBSH-së për shkëmbimin e të dhënave shëndetësore me vendet e rajonit
Prezantohet Drejtori i Përgjithshëm i Operatorit të Shërbimeve të Kujdesit Shëndetësor
EMRI/ Ndalohet drejtori i Spitalit të Fierit, zbardhen detajet e para
Shqipëria vijon të shuhet, lindjet ranë me 10.5% në T3, shtesë pozitive vetëm Tirana e Durrësi
Shtatë fëmijë të Kopshtit nr. 10 në Vlorë përfundojnë në spital, dyshohet për helmim nga ushqimi