Aparatura e radioskopisë në dispancerinë e Durrësit, mbi një muaj e prishur

Në dispancerinë e sëmundjeve tuberkulare të qytetit të Durrësit ka mbi një muaj që është prishur aparatura e radioskopisë, e cila ka ardhur në Durrës dhe është montuar para 2 viteve. Aparatura është e tipit “ Siemens” , mjaft moderne, por dalja nga shërbimi e saj ka bërë që të sëmurët që Radioskopia dispanceria durresmarrin shërbim në këtë dispanseri të drejtohen në spitalin rajonal ose në klinikat private për të bërë radioskopinë me lekë. Një nga këto të sëmura është edhe Dile Kanani, e cila është e moshuar, me pension, dhe që duhet të rrugëtojë e vetme, për të bërë vizitat e zakonshme të trajtimit të saj shëndetësor. Ajo thotë se është 83 vjeçe dhe se duke qenë se radioskopia nuk punon në dispancerinë që ndodhet afër banesës së saj, është e detyruar të shkojë në këmbë deri në spital në diell dhe në shi. “Shpeshherë më kanë lëshuar radhën sepse në spital ka radhë”, thotë ajo dhe kjo e rëndon më shumë shëndetin e saj. Pacientët thonë se janë të pashpresë dhe se nuk u është dhënë ndonjë afat i përcaktuar se kur do të vihet në riparim kjo aparaturë e blerë mjaft shtrenjtë për t’u shërbyer të sëmurëve me tuberkuloz, sëmundje kjo që po njeh rritje në Durrës kohët e fundit.

Nga një foto që ka realizuar një pacient në këtë institucion të lënë pas dore duket qartë se si është lënë pas dore edhe aparatura, në një sallë me xhama të thyer.

Postime të ngjashme

Malaria në Shqipëri, ISHP konfirmon: Raste sporadike të importuara dhe pa evidencë të transmetimit në vend
Konfirmohet rasti i parë me malarie në Shqipëri
Trafik droge dhe nën hetim për kontrabandë ilaçesh, Prokuroria sekuestron pasuritë e Ilir Shehut, mes tyre edhe 4 kompani farmaceutike
Shqipëria në planin e OBSH-së për shkëmbimin e të dhënave shëndetësore me vendet e rajonit
Prezantohet Drejtori i Përgjithshëm i Operatorit të Shërbimeve të Kujdesit Shëndetësor
EMRI/ Ndalohet drejtori i Spitalit të Fierit, zbardhen detajet e para
Shqipëria vijon të shuhet, lindjet ranë me 10.5% në T3, shtesë pozitive vetëm Tirana e Durrësi
Shtatë fëmijë të Kopshtit nr. 10 në Vlorë përfundojnë në spital, dyshohet për helmim nga ushqimi