Denoncim: Lagështirë dhe myk në Klinikën Stomatologjike Universitare, QSUT

Denisa Canameti

“Kjo është situata e higjienës në KSU, Klinika Stomatologjike Universitare”.

Ky denoncim, bashkëngjitur disa foto, kanë mbërritur në redaksinë e Pro Pacientit ditën e sotme. Pamjet e dëshmuara përmes fotove tregojnë për një ambient me lagështirë dhe me kushte higjiene shumë të këqija.

Shërbimi dentar shtetëror nuk është braktisur nga qytetarët. Përkundrazi, është i lartë numri i atyre që i drejtohen shtetit, pasi ky shërbim në privat është shumë i shtrenjtë. Mirëpo, krahas përfitimit ekonomik, duket se cilësia e shërbimit vihet në pikëpyetje për shkak të kushteve jo optimale të ambienteve.

Në këtë klinikë studentët e stomatologjisë zhvillojnë orët e tyre të praktikës nën mbikëqyrjen e pedagogëve.

Ndërkohë, sipas ligjit “Për Shërbimin Stomatologjik në Republikën e Shqipërisë” ky shërbim ofrohet falas për:

  • personat nga mosha 0 deri 18 vjeç;
  • të sëmurët e shtruar dhe ata që trajtohen në institucione spitalore publike, për mjekime urgjence;
  • kategori të veçanta individësh që, me ligje dhe akte nënligjore të veçanta.

Shteti merr përsipër të mbulojë pjesërisht:

  • shërbimin e urgjencave stomatologjike për moshat mbi 18 vjeç;
  • shërbime stomatologjike në Departamentin e Stomatologjisë në Fakultetin e Mjekësisë;
  • shërbime stomatologjike në institucionet stomatologjike publike./ Pro Pacientit

Postime të ngjashme

Malaria në Shqipëri, ISHP konfirmon: Raste sporadike të importuara dhe pa evidencë të transmetimit në vend
Konfirmohet rasti i parë me malarie në Shqipëri
Trafik droge dhe nën hetim për kontrabandë ilaçesh, Prokuroria sekuestron pasuritë e Ilir Shehut, mes tyre edhe 4 kompani farmaceutike
8 ushqime që ndihmojnë në uljen e rrezikut të goditjes në tru, sipas dietologëve
Shqipëria në planin e OBSH-së për shkëmbimin e të dhënave shëndetësore me vendet e rajonit
Shenjat që mund të tregojnë mungesën e vitaminës D3
Prezantohet Drejtori i Përgjithshëm i Operatorit të Shërbimeve të Kujdesit Shëndetësor
EMRI/ Ndalohet drejtori i Spitalit të Fierit, zbardhen detajet e para