Denoncimi i Leonora Gjonit, ndryshon situata në QSUT

Drejtoria e QSUT-së ka reaguar pas denoncimit të bërë publik nga shoqata “Together for Life” për rastin e pacientes Leonora Gjoni, i publikuar në gazetën “Shëndet+” dhe “Shëndeti Online”.

Pacientja Leonora Gjoni

Pacientja Leonora Gjoni

Pas bërjes publike të rastit, QSUT ka marrë masa për sigurimin në shërbimin e onkologjikut të ilaçeve të nevojshme për realizimin e kimioterapisë.

E kontaktuar sërish nga “Shëndet+”, pacientja Leonora Gjoni bëri të ditur se për seancat e saj të kimioterapisë ka arritur të marrë të gjitha ilaçet, pa qenë e nevojshme që t’i blejë në farmaci, si më parë.

Lidhur me këtë rast, shoqata “Together for Life” e cila bëri publike denoncimin, i drejtoi edhe një letër Avokatit të Popullit, i cili kërkoi sqarime pranë QSUT-së “Nënë Tereza” në Tiranë. Në këtë përgjigje jepet edhe fakti se për rastin e pacientes Leonora Gjoni, një nga ilaçet e kimioterapisë në të vërtetë ka munguar.

Leonora Gjoni e bëri publik rastin e saj pas shumave të mëdha që i është dashur të paguajë në spitalet private, për shkak të mungesës së shërbimeve dhe ilaçeve në spitalin shtetëror. “Nuk kam vërejtje për mjeken që më kuron, – tha ajo, – por ilaçet më është dashur t’i blej vetë”.

Drejtoria e QSUT-së reagoi për rastin në fjalë menjëherë duke siguruar medikamentet e munguara.

Postime të ngjashme

Malaria në Shqipëri, ISHP konfirmon: Raste sporadike të importuara dhe pa evidencë të transmetimit në vend
Konfirmohet rasti i parë me malarie në Shqipëri
Trafik droge dhe nën hetim për kontrabandë ilaçesh, Prokuroria sekuestron pasuritë e Ilir Shehut, mes tyre edhe 4 kompani farmaceutike
Shqipëria në planin e OBSH-së për shkëmbimin e të dhënave shëndetësore me vendet e rajonit
Prezantohet Drejtori i Përgjithshëm i Operatorit të Shërbimeve të Kujdesit Shëndetësor
EMRI/ Ndalohet drejtori i Spitalit të Fierit, zbardhen detajet e para
Shqipëria vijon të shuhet, lindjet ranë me 10.5% në T3, shtesë pozitive vetëm Tirana e Durrësi
Shtatë fëmijë të Kopshtit nr. 10 në Vlorë përfundojnë në spital, dyshohet për helmim nga ushqimi