Blertina Koka / Shëndet+
Deklaratat e forta që Kastro Zizo lëshoi mbrëmjen e djeshme (lexo këtu) si duket kanë indinjuar persona që lidhen drejtpërdrejtë me mjekësinë shqiptare. Këtë të paktën na lë të kuptojmë një status i bërë nga Kastro Zizo pak orë më parë në llogarinë e tij zyrtare në Facebook.
Në një shkrim të tij në Facebook ai ka shfryrë mllefin ndaj të gjithë atyre që i kanë bërë presion, duke i ofenduar nga fjalët më të ndyra dhe duke i mallkuar. “K**va, pisa, derra…mallkuar qofshi në gjenezë…guxoni dhe me bëni presion!”
Kastro shkruan se vdekja e nënës së tij i ka dhënë forcë për të nisur një kauzë ndaj padrejtësive të sistemit shoqëror shqiptar, sipas tij të sunduar nga ‘derrat’ që flijojnë jetën e njerëzve për t’u pasuruar.
“Vdekja e nënës sime më dha një forcë të madhe për të filluar disa kauza njerëzore në këtë vend të drejtuar nga Derrat. Një jetë e drejtuar nga Derrat. Qindra jetë çdo vit që flijohen për të pasur ora të shtrenjta apo për të ushqyer dashnoret në krahë. Batak, helm, zeherr të mishëruar në disa karikatura drejtuese,” shprehet ai i indinjuar.
Kastro ka bërë publikisht edhe një betim, se shumë shpejt do të dëgjojmë një krismë nga ana e tij.
Ja shkrimi i tij i plotë:
“Vdekja e nënës sime më dha një forcë të madhe për të filluar disa kauza njerëzore në këtë vend të drejtuar nga Derrat. Një jetë e drejtuar nga Derrat. Qindra jetë çdo vit që flijohen për të pasur ora të shtrenjta apo për të ushqyer dashnoret në krahë. Batak, helm, zeherr të mishëruar në disa karikatura drejtuese. Kurva, pisa, derra…mallkuar qofshi në gjenezë…guxoni dhe më bëni presion! Në mes të Tiranës dhe Prishtinës më keni çdo ditë. Por ‘krismën’ time do ta dëgjoni për pak kohë…ajo që do ju buçasë dhe do ju humbi dëgjimin, se të qorruar jeni…dini vetëm të hani dhe ajo shqisë ju ka mbetur.
P.S. Shihemi në parlament, nuk jam i vetëm’
