Kur të “bie rruga” nga dhomat e onkologjikut

Denisa Canameti

Tashmë dihet mallkimi i famshëm: Rënç në spital! Dhe nëse do të bëhej fjalë vetëm për sëmundjen, atëherë deri diku do të ishte një mallkim i lehtë. Por me gjendjen në të cilën ndodhen spitalet sot, situata ndryshon. Në pavionin e onkologjikut në Qendrën Spitalore Universitare në Tiranë, aty ku mungojnë ilaçet, ku shpresa varet në fije të perit, dhimbjes i shtohet edhe situata e dhomave në të cilën shtrohen të sëmurët. E tillë si ajo që tregon fotoja bashkangjitur.

Mure plot lagështirë e myk. Një erë mbytëse që e bën njeriun e mjerë të dëshirojë të zhduket nga ai vend sa më parë. Ndërsa flitet për një rilindje të mjekësisë, ndoshta ministri i Shëndetësisë duhet të kalojë edhe një herë nga ky repart, të shohë situatën në të cilën ndodhen të sëmurët. Sepse në një nga deklaratat e fundit, Beqaj i ftoi gazetarët të shkonin dhe të verifikonin vetë nëpër spitale që situata nuk është aq keq sa thuhet. Ndoshta ka dashur të shprehet me batutën e humorit: “Ti mendon se grekët janë të këqij? E ke gabim! Ata janë edhe më të këqij!”

Onkologjiku Tirane QSUT 22 janar 2015

Postime të ngjashme

Malaria në Shqipëri, ISHP konfirmon: Raste sporadike të importuara dhe pa evidencë të transmetimit në vend
Konfirmohet rasti i parë me malarie në Shqipëri
Trafik droge dhe nën hetim për kontrabandë ilaçesh, Prokuroria sekuestron pasuritë e Ilir Shehut, mes tyre edhe 4 kompani farmaceutike
Shqipëria në planin e OBSH-së për shkëmbimin e të dhënave shëndetësore me vendet e rajonit
Prezantohet Drejtori i Përgjithshëm i Operatorit të Shërbimeve të Kujdesit Shëndetësor
EMRI/ Ndalohet drejtori i Spitalit të Fierit, zbardhen detajet e para
Shqipëria vijon të shuhet, lindjet ranë me 10.5% në T3, shtesë pozitive vetëm Tirana e Durrësi
Shtatë fëmijë të Kopshtit nr. 10 në Vlorë përfundojnë në spital, dyshohet për helmim nga ushqimi