Një muaj për një Eko zemre

QSUT 6-kateTë bësh një vizitë kardiologjie në spital do të thotë të shpenzosh shumë ditë dhe shumë para. Pasi marrin rekomandimin nga mjeku i familjes për të ardhur në Tiranë, në QSUT dhe për t’u vizituar te kardiologu, shumë pacientëve u lihet një orar për të ardhur një ditë tjetër për EKO-n e më pas një ditë tjetër për biçikletën. Ka prej tyre si Rrahmani, të cilit pas vizitës së mjekut, iu la që EKO-ja të kryhej në datën 28 shkurt. Ai thotë se nuk kundërshtoi e as nuk bëri debat, sepse “asgjë nuk do t’ia kthente mendjen planifikuesit të ekos” dhe se “fatmirësisht jetoj në Tiranë”.

Por ka të tjerë që s’kanë të njëjtin fat. Një zonjë nga qyteti i Elbasanit, e cila përpos EKO-s duhej t’i nënshtrohej edhe biçikletës, thotë se i duhej të paraqitej në dy ditë të ndryshme, përkatësisht në datat 23 shkurt për EKO-n dhe me datë 27 shkurt për biçikletën.

“Nuk është problemi te planifikimi, por sot nuk kishte as radhë te EKO-ja që të thuash se ishin të ngarkuar. S’u kushtonte asgjë të më bënin EKO-n e zemrës që zgjat vetëm 5 minuta e të mos kthehem prapë pas 3 javësh. Por kush na dëgjon?” thotë Rrahmani që zbret shkallët e spitalit avash-avash duke pëshpëritur me vete “të mjerët ne që na bie!”/A.Thartori

Postime të ngjashme

Malaria në Shqipëri, ISHP konfirmon: Raste sporadike të importuara dhe pa evidencë të transmetimit në vend
Konfirmohet rasti i parë me malarie në Shqipëri
Trafik droge dhe nën hetim për kontrabandë ilaçesh, Prokuroria sekuestron pasuritë e Ilir Shehut, mes tyre edhe 4 kompani farmaceutike
Shqipëria në planin e OBSH-së për shkëmbimin e të dhënave shëndetësore me vendet e rajonit
Prezantohet Drejtori i Përgjithshëm i Operatorit të Shërbimeve të Kujdesit Shëndetësor
EMRI/ Ndalohet drejtori i Spitalit të Fierit, zbardhen detajet e para
Shqipëria vijon të shuhet, lindjet ranë me 10.5% në T3, shtesë pozitive vetëm Tirana e Durrësi
Shtatë fëmijë të Kopshtit nr. 10 në Vlorë përfundojnë në spital, dyshohet për helmim nga ushqimi