Rasti i 13-vjeçarit me autizëm në QSUT, KMD nis verifikimet

Komisioneri për Mbrojtjen nga Diskriminimi (KMD) ka nisur që në muajin shtator verifikimet administrative për rastin e një fëmije 13-vjeçar me autizëm, i trajtuar në shërbimin e psikiatrisë së grave në Qendrën Spitalore Universitare “Nënë Tereza” (QSUT).

Në një deklaratë për mediat, KMD bën të ditur se ishte vënë në dijeni për rastin përpara publikimit të tij dhe se verifikimet vijojnë të jenë në proces.

Institucioni shpreh shqetësim për problematikat e bëra publike lidhur me kushtet e trajtimit dhe kujdesit shëndetësor ndaj fëmijës, duke theksuar nevojën për mbrojtjen e dinjitetit, sigurisë dhe të drejtave themelore të fëmijëve, veçanërisht të atyre me nevoja specifike për kujdes dhe mbështetje.

Sipas KMD-së, çdo fëmijë ka të drejtën të marrë shërbime shëndetësore të përshtatshme, në kushte që garantojnë dinjitetin, sigurinë dhe trajtimin e barabartë, pa diskriminim.

Komisioneri njofton se do të vijojë ndjekjen e rastit, në përputhje me kompetencat ligjore, për të vlerësuar rrethanat dhe për të identifikuar çdo element të mundshëm diskriminues.

Postime të ngjashme

Shqipëria vijon të shuhet, lindjet ranë me 10.5% në T3, shtesë pozitive vetëm Tirana e Durrësi
Shtatë fëmijë të Kopshtit nr. 10 në Vlorë përfundojnë në spital, dyshohet për helmim nga ushqimi
Produktet e pasigurta në treg, alarmi vjen nga Belgjika; kontrollet në Shqipëri ranë me 33% në 2025
Trajtimi me medikamentet GLP-1 RA, mjekja zbulon gabimet më të zakonshme që bëjnë pacientët
Buxheti 2027/ Spahiu: 117.8 miliardë lekë për shëndetësinë dhe mirëqenien sociale
Pagesat nga xhepi për shëndetësinë, Raporti i KE: Qytetarët paguajnë tri herë më shumë se mesatarja e BE-së
Mjekja zbulon dietat që janë efektive për rënien nga pesha
Përtej vitaminës D: Si ndikon drita e diellit në metabolizëm dhe sheqerin në gjak