Shumë kafe kundër kancerit të lëkurës?

Të pish katër filxhanë kafe në ditë ul rrezikun e kancerit të melanomës së lëkurës. Një sugjerim i tillë vjen nga një studim amerikan, i koordinuar nga Erikka Loftfield, kërkuese e Institutit Kombëtar të Kancerit, Departamenti i Çështjeve Gjenetike dhe Epidemiologjisë së Kancerit.

kafe 1Për të parë nëse kishte një lidhje mes pirjes së kafesë dhe kancerit të lëkurës, kanceri i pestë më i shpeshtë në Shtetet e Bashkuara, që në vitin 2013 ishte shkak për 9500 vdekje, kërkuesit analizuan të dhënat e Institutit Kombëtar të Shëndetit. Informacionet mbi konsumin e kafes u morën për 447357 persona përmes një pyestësori të kryer në vitet 1995/1996, me një vazhdimësi prej 10 vjetësh, në kuadër të të cilit u evidentuan 2905 raste të melanomës malinje.

Të gjithë subjektet e përfshira në analizë, rezultatet e të cilëve u publikuan në “Journal of National Cancer Institut”, nuk kishin në fillim tumore dhe vlerat relative të ekspozimit në rrezet ultravjollcë, treguesi i masës trupore, mosha, gjinia, aktivitetit fizik, konsumi i alkoolit dhe duhant u rregulluan nga kërkuesit. Rezultoi se konsumi i lartë i kafes, sigurisht i dëmshëm për ata që vuajnë nga ulcera, tensioni i lartë i gjakut apo pagjumësia, rezultonte i kundërt me melanominë malinje, me një rrezik 20% më të ulët tek ata që konsumonin 4 kafe në ditë.

Efekti i bazuar në statistika është i bazuar në kafen me kafeinë, por jo atë pa kafeinë. Gjithsesi, ky studim është më tepër për melanomën në stadin zero apo ende i izoluar në shtresat e sipërme të lëkurës. Studiuesit thonë se ka ende punë për të vërtetuar plotësisht lidhjen e kafesë me melanomën./ Ansa

Postime të ngjashme

Çfarë i ndodh trupit tuaj nëse konsumoni një lugë gjelle vaj ulliri në ditë
8 ushqime që ndihmojnë në uljen e rrezikut të goditjes në tru, sipas dietologëve
11 ushqime që ndihmojnë në kontrollin e tensionit të lartë të gjakut
4 shenja që tregojnë se keni mungesë magnezi
Perimet jeshile që "zgjojnë" metabolizmin dhe ndihmojnë në humbjen e peshës
Fitoterapia në trajtimin e infeksioneve të rrugëve urinare
Mjekët tregojnë simptomën nr.1 që tregon se keni shumë stres
Dermatologia tregon sekretin sesi të parandaloni rrudhat në zonën e qafës