Libreza e shëndetit është dokumenti që vërteton se mbajtësi i saj është person i siguruar. Libreza e shëndetit është personale dhe e patjetërsueshme. Pëdorimi i librezës nga persona të tjerë nuk lejohet me përjashtim të rasteve të përcaktuara me udhëzimin e veçantë të Institutit të Sigurimeve të Kujdesit Shëndetësor.
Personat që kërkojnë të pajisen me librezë shëndetësore për të marrë shërbimin shëndetësor në institucionet e shërbimit parësor janë të detyruar të paraqesin dokumentacionin e nevojshëm.
Librezat shëndetësore mund t’i merrni në një zyrë të posaçme pranë të gjitha qendrave shëndetësore ku ndodhet mjeku juaj i familjes.
Çfarë kërkohet për të marrë librezën shëndetësore:
Rekomandim nga mjeku i familjes
Fotokopje e librezës së kontributeve
Fotokopje e kartës së identitetit
Përfitimet e librezë-mbajtësit:
Vizita dhe konsulta falas te mjeku i familjes dhe i specialiteteve
Ekzaminime laboratorike dhe imazherike në institucionet shëndetësore publike
