Soda e bukës kundër artritit – ja si ta përdorni!

Konsumimi i një solucioni me sodë buke mund të lehtësojë artritin, sugjeron një studim i ri. Ky përbërës kryesor i kuzhinës, që njihet gjithashtu si soda bikarbonate, mund të parandalojë dhimbjet e shkaktuara nga artriti reumatoid dhe inflamacioni, ka zbuluar një studim i ri. Pas vetëm 2 javësh pasi konsumuan ujë me sodë buke, njerëzit prodhuan më pak qeliza autoimunitare që nxisin inflamacionin dhe e përkeqësojnë atë.

Autori i studimit, dr. Paul O’Connor, nga Kolegji Mjekësor i Gjeorgjisë, thotë: “Ndryshimi nga inflamator në antiinlamator ndodh kudo. E vërejmë në veshka, shpretkë, gjak. Është një mënyrë potenciale e sigurt për të trajtuar sëmundjen inflamator”.

Simptomat e zakonshme të artritit janë dhimbja dhe ngurtësimi. Janë më shumë se 100 lloje artritesh përfshirë artritin reumatoid dhe gutën.

Artriti reumatoid prek me miliona njerëz në të gjithë botën. Gratë janë më shumë se 3 herë më të rrezikuara se meshkujt për të zhvilluar këtë sëmundje. Ata me histori familjare të artritit reumatoid gjithashtu janë më vulnerable.

Artriti reumatoid është një sëmundje kronike ku sistemi imunitar bën që trupi të sulmojë veten, duke shkaktuar ënjtje, ngurtësim dhe dhimbje të kyçeve. Artriti reumatoid, forma e dytë më e zakonshme e artritit, fillon mes moshës 40-50 vjeç, ku godet zakonisht duart, kyçet dhe gjunjët.

Shkencëtarët u kërkuan njerëzve të konsumojnë sodë buke të tretur në një shishe ujë. Rezultatet në fund treguan përmirësime në gjendjen e pacientëve, të cilët patën lehtësime të dhimbjeve.

Burimi: Daily Mail / Shendeti.com.al

Postime të ngjashme

Çfarë i ndodh trupit tuaj nëse konsumoni një lugë gjelle vaj ulliri në ditë
8 ushqime që ndihmojnë në uljen e rrezikut të goditjes në tru, sipas dietologëve
11 ushqime që ndihmojnë në kontrollin e tensionit të lartë të gjakut
4 shenja që tregojnë se keni mungesë magnezi
Perimet jeshile që "zgjojnë" metabolizmin dhe ndihmojnë në humbjen e peshës
Fitoterapia në trajtimin e infeksioneve të rrugëve urinare
Mjekët tregojnë simptomën nr.1 që tregon se keni shumë stres
Dermatologia tregon sekretin sesi të parandaloni rrudhat në zonën e qafës