Sëmundjet e zemrës dhe ndikimi i familjes

Rezar Deveja, kardiokirurg

Një ndër faktorët e rrezikut të shfaqjes së sëmundjeve të zemrës është edhe historiku në familje. Pra nëse dikush ka një të afërm të familjes (prind, vëlla apo zemra vizitemotër ), i cili ka pësuar infarkt në moshë të re, duhet thënë se përshkon një rrezik të lartë për sëmundje ishemike (të paktën dy herë më shumë se popullsia e përgjithshme). Kjo sëmundje përgjithësisht mund t’u shfaqet në moshë mesatare.

Përkujdesja në kohë e këtyre personave do të parandalonte rreth 40% të infarkteve të zemrës. Gjithashtu diagnostikimi i hershëm do të nxirrte në dukje edhe sëmundje të tjera të cilat gjënden shpesh tek ata dhe që rrezikojnë zemrën si psh: hipertensioni, diabeti apo yndyrat e rritura në gjak. Nga një sondazh i bërë u vu re se pjesa më e madhe e njerëzve (në SHBA) që pësuan infarkt dhe kishin historik familjar, nuk ishin në dijeni se kishin qënë më të predispozuar se sa të tjerët.

Është llogaritur se në Angli dhe në Skoci ndodhin në një vit rreth 7300 raste infarktesh apo vdekje të hershme dhe që rreth 6400 prej tyre do të ishin të parandalueshme nëse do t’u jepej kujdesi i duhur.

Madje në Skoci mjekët mendojnë se kjo pjesë e popullsisë duhet të trajtohet nga shteti me një sensibilitet të posaçëm dhe t’i jepet privilegj i veçantë përsa i përket shërbimit shëndetësor.

Prandaj është e rëndësishme të këshillojmë të gjithë ata që kanë historik familjar, të kontrollohen tek kardiologu, edhe pse nuk kanë simptoma apo shqetësime të ndryshme nga zemra. Në këtë mënyrë do të mund të parandalohen infarkte apo vdekje të parakohshme.

Postime të ngjashme

Çfarë i ndodh trupit tuaj nëse konsumoni një lugë gjelle vaj ulliri në ditë
Trafik droge dhe nën hetim për kontrabandë ilaçesh, Prokuroria sekuestron pasuritë e Ilir Shehut, mes tyre edhe 4 kompani farmaceutike
8 ushqime që ndihmojnë në uljen e rrezikut të goditjes në tru, sipas dietologëve
Shqipëria në planin e OBSH-së për shkëmbimin e të dhënave shëndetësore me vendet e rajonit
Shenjat që mund të tregojnë mungesën e vitaminës D3
Prezantohet Drejtori i Përgjithshëm i Operatorit të Shërbimeve të Kujdesit Shëndetësor
EMRI/ Ndalohet drejtori i Spitalit të Fierit, zbardhen detajet e para
Shqipëria vijon të shuhet, lindjet ranë me 10.5% në T3, shtesë pozitive vetëm Tirana e Durrësi