Përshtati për gazetën “Shëndet+”: Blertina Koka
Ajër i fshatrave britanikë për vetëm 80 paundë kavanozi. Ky është produkti më i ri që një biznesmen 27-vjeçar po u shet shtresave të pasura kineze që jetojnë në qytetet më të ndotura. Leo de Watts , 27 vjeç, e mbledh ajrin nga fshatrat britanikë dhe e eksporton atë në Shanghai apo Pekin, ku biznesmenë kinezë e blejnë për ta thithur.
Produkti i quajtur “Aethear”, reklamohet në internet, ku përshkruhet cilësia dhe vendet nga të cilat ai mblidhet. Ajri mblidhet me kavanoza të cilët lëvizen nga zona në zonë për të grumbulluar lloje të ndryshme ajri. Këtë proces Watts e ka quajtur “kultivimi i ajrit”. Përpos atyre që e blejnë për ta thithur, disa të tjerë e mbajnë në formë koleksioni për vlerën që ai ka. Që nga dita kur ai nisi biznesin, ka shitur 180 të tilla. Madje ai po bën dhe një promocion me rastin e vitit të ri kinez duke ofruar 15 kavanozë me çmimin e 888 paundë.
Burimi: Indepedent / https://shendeti.com.al/
