Pas prishjes së aparaturave, spitali i Fierit mbetet dhe pa medikamente. Mjekët: Ampula nuk bëhemi dot!

Denisa Canameti

Pacientët denoncuan dje prishjen e aparatit të grafisë në spitalin e Fierit. Sipas tyre grafia ka 10 ditë që nuk punon dhe nuk thuhet asgjë se kur do të vihet në funksion. E kontaktuar nga Pro Pacientit, drejtoresha e këtij spitali Bruna Cami, konfirmoi prishjen e aparatit por theksoi se në urgjencë puna mbulohet normalisht.

Fill pas këtij denoncimi, kanë qenë  mjekët e spitalit të Fierit ata që përmes ironisë kanë shprehur shqetësimin për mbarëvajtjen e punës me pacientët pasi sipas tyre në spital nuk ka as dopaminë.

“Mëngjes. E diel. Mora rojën!
Kush më gjen dopaminë, lenitral, adrenalinë, lanatosid C, diazepam, manitol,calci gluconat, natri bicarbonat, prednisolon, voltaren, adalat, atenolol, paracetamol. Më duhen të ndihmoj njerëzit. Jo për reklamë. Se edhe sikur 48 orë pa fjetur të rri unë ampulë nuk behëm dot. Mos u dukni këtej sot” shkruan një mjek i këtij spitali në rrjete sociale.

Komentit të mjekut i janë përgjigjur edhe shumë kolege të spitalit: “Lum unë që do marr urgjencat”.

Nuk kanë munguar as komentet e farmacistëve privat, të cilët janë ofruar për të plotësuar mungesat e shtetit. / https://shendeti.com.al/

Postime të ngjashme

Malaria në Shqipëri, ISHP konfirmon: Raste sporadike të importuara dhe pa evidencë të transmetimit në vend
Konfirmohet rasti i parë me malarie në Shqipëri
Trafik droge dhe nën hetim për kontrabandë ilaçesh, Prokuroria sekuestron pasuritë e Ilir Shehut, mes tyre edhe 4 kompani farmaceutike
Shqipëria në planin e OBSH-së për shkëmbimin e të dhënave shëndetësore me vendet e rajonit
Prezantohet Drejtori i Përgjithshëm i Operatorit të Shërbimeve të Kujdesit Shëndetësor
EMRI/ Ndalohet drejtori i Spitalit të Fierit, zbardhen detajet e para
Shqipëria vijon të shuhet, lindjet ranë me 10.5% në T3, shtesë pozitive vetëm Tirana e Durrësi
Shtatë fëmijë të Kopshtit nr. 10 në Vlorë përfundojnë në spital, dyshohet për helmim nga ushqimi