Ekspertët e shëndetësisë: “Virusi Zika, më i frikshëm sesa e kishim menduar”

Përshtati në shqip për gazetën “Shëndet+”: Blertina Koka

Sa më shumë kërkime të bëhen ndaj virusit Zika, aq më i frikshëm duket, deklaruan dje zyrtarët federalë të shëndetit. Ata thonë se duhet të investohen më shumë para për mbajtjen nën kontroll të mushkonjës, si dhe për prodhimin e vaksinave dhe trajtimin e sëmundjes.

Shkencëtarët mendojnë se ky virus është i rrezikshëm dhe shkakton defekte të rënda tek truri i fetusit, nëse një grua infektohet gjatë shtatzënisë.

“Çdo gjë që mësojmë për këtë virus, duket se është më e frikshme se sa e kishim menduar në fillim,” deklaroi dr. Anne Schuchat, nga Qendra për Kontrollin dhe Parandalimin e Sëmundjes.

Në fillim të muajit shkurt, OBSH shpalli gjendjen e jashtëzakonshme të virusit Zika. Ekspertët janë të shqetësuar se virusi po përhapet shumë shpejt, dhe mund të ketë pasoja shumë të rënda. Sipas OBSH-ës, virusi Zika është po aq i rrezikshëm sa Ebola.

Në Shqipëri nuk është hasur asnjë rast me virusin Zika, megjithatë, me ardhjen e verës shtohet edhe rreziku për t’u prekur nga ky virus, duke qenë se në Shqipëri qarkullon mushkonja tigër, e cila është transmetuese e këtij virusi.

Burimi: The Washington Post / https://shendeti.com.al/

Postime të ngjashme

Malaria në Shqipëri, ISHP konfirmon: Raste sporadike të importuara dhe pa evidencë të transmetimit në vend
Konfirmohet rasti i parë me malarie në Shqipëri
Trafik droge dhe nën hetim për kontrabandë ilaçesh, Prokuroria sekuestron pasuritë e Ilir Shehut, mes tyre edhe 4 kompani farmaceutike
Shqipëria në planin e OBSH-së për shkëmbimin e të dhënave shëndetësore me vendet e rajonit
Prezantohet Drejtori i Përgjithshëm i Operatorit të Shërbimeve të Kujdesit Shëndetësor
EMRI/ Ndalohet drejtori i Spitalit të Fierit, zbardhen detajet e para
Shqipëria vijon të shuhet, lindjet ranë me 10.5% në T3, shtesë pozitive vetëm Tirana e Durrësi
Shtatë fëmijë të Kopshtit nr. 10 në Vlorë përfundojnë në spital, dyshohet për helmim nga ushqimi