Përfundon rikonstruksioni i Kopshtit nr. 17 pas 4 vitesh pritje 

Elena Beta

Gjatë monitorimeve të 43 kopshteve publike të Tiranës (24 prej të cilave kanë qenë pjesë e nismës “Adopto një kopsht”) nga shoqata “Together for Life’, në kuadër të projektit “Lëviz për kopshtin tim”, ndër më të diskutuarit ishte dhe kopshti nr. 17, i cili ndodhet në njësinë numër 7 të qytetit të Tiranës. Ky kopsht kishte plot katër vite në rikonstruksion, prej datës 6 qershor 2013 (tejkaluar të gjitha afatet e parashikimeve), duke bërë që fëmijët, në pritje të godinës të re, të qëndronin në klasat e kopshtit 43, po në njësinë numër 7.

Përveç numrit të lartë të fëmijëve në kopshtin ekzistent, sipas drejtoreshës Leonora Deda, gjatë muajve të verës ishte e pamundur të përdoreshin ambientet e katit të sipërm për shkak të nxehtësisë të madhe. Në këto kushte, fëmijët e të dy kopshteve qëndronin në katin e parë, në një hapësirë aspak të rehatshme, ku metrat katrorë në raport me fëmijët ishin në përpjestim të zhdrejtë.

Ky problem u diskutua edhe në forumin e 3 komunitar, pjesë e së cilit ishin dhe drejtueset e të dyja kopshteve, prindër dhe edukatorë të cilët u shprehën se prisnin me padurim që rikonstruksioni i tejzgjatur të mbaronte dhe fëmijët e të dyja kopshteve t’i ktheheshin kushteve normale.

Pas publikimeve të vazhdueshme nga ana e shoqatës TFL lidhur me këtë problem, duket se më në fund ai ka marrë zgjidhje.

Kopshti Nr.17 është rikonstruktuar plotësisht dhe do të presë 120 fëmijë. Kryetari i Bashkisë së Tiranës, Erion Veliaj, ka qenë në kopshtin e rikonstruktuar nr.17, ku ka premtuar që për të dytin vit, çerdhet dhe kopshtet e Tiranës do të qëndrojnë hapur edhe gjatë muajit gusht. Veliaj gjithashtu pohoi se regjistrimet kanë nisur në të gjithë Tiranën që më 1 qershor, duke marrë parasysh, edhe kriterin ekonomik të familjeve.

Nga pamjet e servirura në rrjetet sociale, ambientet e kopshtit duken me të vërtet të rikonstruktuara, por nuk e dimë ende nëse bëhet fjalë vetëm për lyerje muresh, apo dhe për plotesimin e të gjitha kushteve dhe nevojave që fëmijeve ju takojnë me ligj./shendeti.com.al

 

 

 

 

Postime të ngjashme

Çfarë i ndodh trupit tuaj nëse konsumoni një lugë gjelle vaj ulliri në ditë
Trafik droge dhe nën hetim për kontrabandë ilaçesh, Prokuroria sekuestron pasuritë e Ilir Shehut, mes tyre edhe 4 kompani farmaceutike
8 ushqime që ndihmojnë në uljen e rrezikut të goditjes në tru, sipas dietologëve
Shqipëria në planin e OBSH-së për shkëmbimin e të dhënave shëndetësore me vendet e rajonit
Shenjat që mund të tregojnë mungesën e vitaminës D3
Prezantohet Drejtori i Përgjithshëm i Operatorit të Shërbimeve të Kujdesit Shëndetësor
EMRI/ Ndalohet drejtori i Spitalit të Fierit, zbardhen detajet e para
Shqipëria vijon të shuhet, lindjet ranë me 10.5% në T3, shtesë pozitive vetëm Tirana e Durrësi