Pyet mjekun: Pse tek disa fëmijë vonohet të folurit?

Përshëndetje! A mund të më tregoni pse tek disa fëmijë vonohet mosha e të folurit deri në 4-5 vjecc, dhe si duhet trajtuar kjo në mjekësi?

Përgjigjet Polikron Çelo, mjek pediatër

Të folurit, si të gjitha etapat e tjera të rritjes, është proces i gjatë, i ngadalshëm që fillon qysh muajt e parë. Megjithatë njihen disa luhatje të pranueshme, por që nuk mund të quhen normale e duhet dyshuar për prapambetje në të folur. Një situatë për shembull është kur fëmija ka bërë dy vjeç dhe nuk arrin të thotë dy fjalë të lidhura bashkë. Në këtë rast duhet një bashkëpunim i mirë me mjekët specialistë, pediatër, otojatër, neurolog etj. Shkaqet mund të jenë nga më të ndryshmet, që nga zhvillimi i ulët mendor, mungesa e ‘ngrohtësisë’, ulja e dëgjimit, autizmi, skizofrenia etj. Të folurit mund të ndihmohet duke ‘bashkëbiseduar’ shpesh me zë të ëmbël e të ngadalshëm. Shoqërimi me fëmijë të tjerë ndihmon gjithashtu në pasurimin e fjalorit. Kur arrin të flasë, asnjëherë mos e ndërprisni për korrigjimin e gabimeve. Komunikoni me fëmijët vetëm me fjalë e fjali të plota, të rregullta, pavarësisht nga kundërpërgjigja e tyre, nuk duhet të përgjigjeni me ‘fjalorin e tyre’./ Shendeti.com.al

Postime të ngjashme

Çfarë i ndodh trupit tuaj nëse konsumoni një lugë gjelle vaj ulliri në ditë
Trafik droge dhe nën hetim për kontrabandë ilaçesh, Prokuroria sekuestron pasuritë e Ilir Shehut, mes tyre edhe 4 kompani farmaceutike
8 ushqime që ndihmojnë në uljen e rrezikut të goditjes në tru, sipas dietologëve
Shqipëria në planin e OBSH-së për shkëmbimin e të dhënave shëndetësore me vendet e rajonit
Shenjat që mund të tregojnë mungesën e vitaminës D3
Prezantohet Drejtori i Përgjithshëm i Operatorit të Shërbimeve të Kujdesit Shëndetësor
EMRI/ Ndalohet drejtori i Spitalit të Fierit, zbardhen detajet e para
Shqipëria vijon të shuhet, lindjet ranë me 10.5% në T3, shtesë pozitive vetëm Tirana e Durrësi