Blertina Koka/ Shëndet+
“Vrapo për autizmin”, ishte kjo nisma e zhvilluar në Tiranë në Ditën Botërore të Autizmit, për t’u solidarizuar me familjet dhe personat që mbartin atë. Kësaj nisme i janë bashkuar qindra qytetarë, të cilët kanë treguar mbështetjen e tyre për personat e prekur nga autizmi.
Fushata ndërgjegjësuese dedikuar të prekurve nga autizmi ka përfshirë edhe shumë personazhe publike, të cilët dolën këtë të shtunë në vrapimin e organizuar. Ata kanë postuar foto nëpër rrjetet sociale me sloganin “Run4Autism” për të ndërgjegjësuar dhe ftuar edhe qytetarë të tjerë që t’i bashkohen kësaj nisme.
