Malaj: Kopshtet do të kenë mjek pediatër dhe psikolog

Deri në vitin 2020, të gjitha kopshtet publike duhet të plotësojnë të gjitha kushtet që Ministria e Arsimit ka vendosur. Një kusht kryesor është futja e mjekut pediatër dhe psikologut në çerdhe dhe kopshte.

Task Forca e ngritur për të monitoruar kopshtet ka nxjerrë edhe nevojën për ndryshimin e ligjit parauniversitar, ku çerdhet dhe kopshtet të kenë edhe shërbime të tjera si prezenca e mjekut pediatër dhe e punonjësit social për të garantuar zhvillimin psiko-motor të fëmijës.

Nora Malaj, zv/ministre e Arsimit ka sqaruar për Report Tv ndryshimet që do të pësojë ligji për arsimin

“Po mendojmë që në ndryshimet ligjore të kemi edhe një rol të mirë të mjekut pediatër, të vendoset si standard për kopshtet publike”, shprehet znj. Malaj për mediat.

Po kështu edhe hapësirat fizike të kopshtit do të strukturohen në hapësira të veçanta.

Për të gjitha kopshtet private, të cilave Task-Forca u ka lënë detyra për t’u përmbushur, nëse në kontrollin e dytë nuk do të kenë bërë ndryshimet, atëherë këto kopshte do të mbyllen./ https://shendeti.com.al/

Postime të ngjashme

Çfarë i ndodh trupit tuaj nëse konsumoni një lugë gjelle vaj ulliri në ditë
8 ushqime që ndihmojnë në uljen e rrezikut të goditjes në tru, sipas dietologëve
11 ushqime që ndihmojnë në kontrollin e tensionit të lartë të gjakut
4 shenja që tregojnë se keni mungesë magnezi
Perimet jeshile që "zgjojnë" metabolizmin dhe ndihmojnë në humbjen e peshës
Fitoterapia në trajtimin e infeksioneve të rrugëve urinare
Mjekët tregojnë simptomën nr.1 që tregon se keni shumë stres
Dermatologia tregon sekretin sesi të parandaloni rrudhat në zonën e qafës