Materialet e publikuara në këtë faqe janë pjesë e projektit: “Ajër i pastër në Tiranë: më shumë ecje, biçikleta dhe transport urban”, mbështetur financiarisht nga REC/ programi Achieve-Albanian Civil Society for a European Environment, me fonde të Komisionit Evropian. Projekti ka për qëllim rritjen e ndërgjegjësimit qytetar në Tiranë dhe advokimit mediatik për përmirësimin e situatës së ndotjes së ajrit që shkaktohet nga sektori i transportit.
Problemet e infertilitetit nga 12% kanë arritur në 15% , ato alergjike tek 20% e popullsisë (tre herë më shumë në zonat rurale), ndërkohë që sëmundjet e lëkurës po hasen gjithnjë e më shpesh.
Elona Tereziu
Ndotja e ajrit urban është një nga problemet më madhore të ditëve të sotme, ndërkohë që lista e problemeve shëndetësore që vijnë sipasojë e tij, është jo pak e gjatë.
Një ndikim të madh ajri i ndotur ka në sëmundjet pulmonare, shëndetin riprodhues, sëmundjet alergjike dhe ato të lëkurës ku prevalenca e tyre vërehet të jetë shumë herë më e madhe në zonat urbane.
Vetë mjekët pohojnë se po futemi në një gjendje alarmi, pasi ndikimi i tij në shëndet është rritur ndjeshëm sidomos gjatë 20 viteve të fundit.
Problemet e infertilitetit nga 12% kanë arritur në 15% , ato alergjike tek 20% e popullsisë (tre herë më shumë në zonat rurale), ndërkohë që sëmundjet e lëkurës falë faktorit ajër i ndotur, po hasen gjithnjë e më shpesh.
Andrologu Evin Dani: Ndotja e ajrit rrit mundësitë për infertilitet
Dermatologia Violeta Dajçi: Ndotja e ajrit, shkaktar kryesor për problemet e lëkurës
Pneumologia Elona Hila: Ajri i ndotur, shkak për sëmundjet pulmonare
